EiTBk 'KantuGiro' saioa grabatuko du Markina-Xemeinen

Asier Alkorta

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Mutriku,Ondarroa,Ziortza-Bolibar

2015/06/18

KantuGiro saioak jaiak eta kantua uztartzen ditu eta aurtengo udan Euskal Herriko hainbat herritan egingo dituzte grabaketak. Hala, Lea-Artibain Lekeition egin zuten grabaketa, San Pedro jaietan. Markina-Xemeinen, ostera, uztailaren 19an egingo dute grabaketa (Karmen jaietan).

Zurine Hidalgo eta Xabin Fernandez, KantuGiro saioko kideak.

Eta nola ez, herritarrek saioan parte hartzeko aukera edukiko dute. “Abeslari bila gabiltza karaokean parte hartzeko. Esperientzia polit bat bizitzeaz gain, sari potoloak irabazteko aukera izango dute parte hartzaileek”, jakitera eman dute arduradunek. Karaokean banaka zein binaka parte hartu ahal dela ere iragarri dute. Horretarako, baina, herritarrek aldez aurretik izena eman beharko dute, WhatsApp bidez (626 18 14 17) edo posta elektronikora idatziz (kantugiro@eitb.eus). Saioa Zurine Hidalgo Hesian taldeko abeslariak eta Xabin Fernandezek aurkeztuko dute. “Erakutsi zure abeslari sena Euskal Herriko karaokerik erraldoienean!”.