‘Chichinabo Cabaret’, urriko asteburu guztietan ere ikusgai
Ugaitz Alegria eta Iñaki Maruri aktore ondarrutarrek eta Mitxel Santamaria gernikarrak parte hartzen duten ikuskizuna urriko asteburu guztietan ikusi ahalko da.
Abuztuan estreinatu eta emanaldi guztietarako sarrerak agortu ostean, iraila osora luzatu zituzten emanaldiak. Eta orain, iraileko sarrera guztiak agortu direnean, Pabellon 6 arte eszenikoen guneak emanaldiak urriko asteburu guztietan eskaintzea erabaki du.
Cabaret Chihuahuagaz gertatu modura, Chichinabo Cabaret ere obra arrakastatsua ari da izaten eta bertoko aktoreak pozik daude. Lea-Artibaitik, Mutrikutik eta Busturialdetik herritar asko joan dira musikala ikustera, bai abuztuan eta baita irailean ere.
Ordutegiak eta gehiago:
- Urriak 2, 3, 9, 10, 16 eta 17. 21:00etan.
- Urriak 23 eta 24. 22:00etan.
- Urriak 4, 11, 18 eta 25. 20:30ean.
- Sarrerak. Erreserbak online egin ahal dira, www.pabellon6.org webgunean. Telefonoz ere egin ahal dira: 639 766 720.
- Helbidea. Erribera 27 (Bilbo).
Erlazionatutako edukiaIñaki Maruri aktore ondarrutarra, ‘Cabaret Chihuahua’ antzezlanean
