Bitor Arizmendi omendu dute mutrikuarrek, arte tailerrean egindako lan guztiagatik

2015/09/20

Margolaria, musikaria, kirolaria, langilea… Artea barru-barruan sartuta daraman horietako bat da Bitor Arizmendi. Eta atzo [irailak 19], mutrikuarrek merezitako omenaldia eskaini zioten Zabiel kultur etxean. Arte eskolako kideak, guraize lantokiko kideak, musikariak, familiako kideak… Inor gutxi falta zen Zabielen. Agurra egin ostean, oroigarria jaso zuen. Oroigarrian ondoko testua zegoen: Mutrikuko arte tailerra: Koloreen zurrubiloetan jolastuz irakatsi zenigun jolasten. Horietan zipriztinduz jarraitzen dugu gaur. Eskerrik asko, maisu!

Arte tailerreko kideekin

Arizmendiren senideek eskerrak eman zizkieten guztiei eta Arizmendiren bizitza errepasatu zuten. Omenaldia “hunkigarria eta pozgarria” izan zela esan zuten.

Guraize lantokiko kideekin

Ostean, Jon Naberanek egindako koadroa jaso zuen opari bezala Arizmendik. Koadroan Arizmendi bera agertzen zen, Mutrikuko koadroa margotzen.

Bizkaia