Bi lekeitiar, Durangoko Azokako Kameratoia lehiaketako saridunak
Mondragon Unibertsitateko (Huhezi) ikasle talde batek (Uda Films taldea) egindako Jorrai lanak eroan du aurten Kameratoia lehiaketako lehenengo saria. Talde horretan, hain justu, Eneko Zuberogoitia lekeitiarra egon da. “Euran lanak ikuspegi original eta ikus-entzunezko tratamendu azpimarragarri batekin gogora arazten du euskara eta euskal kultura landu eta zaindu behar direla”, adierazi zuen epaimahaiak.
Baina Zuberogoitia ez da izan saria eskuratu duen bakarra. Izan ere, lehiaketako bigarren saria Aitor Gametxo lekeitiarrak eta bere taldeak (Sant Antonitarrak) eskuratu dute, Irudien aroa lanagaz.
Bain ez dira izan Lea-Artibai eta Mutrikutik aurkeztu diren bakarrak izan. Izan ere, Lander Andonegi mutrikuarrak eta bere lagun batek Remind taldea osatu eta lehiaketara aurkeztu dira. Ialgi izenburua eduki du euren lanak eta lehiaketako antolatzaileek “lan ona” izan dela esan badute ere, ez dute saririk lortu.
Kameratoia Durangoko Azokako Irudienean egiten den film laburren lehiaketa rally bat da. Funtsean, lehiaketan parte hartzen dutenek, 48 ordutan film labur bat ekoiztu behar izaten dute. Aurten, baina, Azokak 50 urte betetzen zituela eta, parte hartzaileek bi ordu gehiago eduki dute. Ondorioz, lanak 50 ordutan ekoiztu ahal izan dituzte.
Antolatzaileek jakitera eman dutenez, aurten, 20 talde aurkeztu dira lehiaketara; 67 pertsonek parte hartu dute (25 bizkaitarrak, 24 gipuzkoarrak, 11 arabarrak eta 1 nafarra). Horietatik, baina, hamazazpi taldek amaitu zituzten lanak. Lan guztiak ikusi ostean, epaimahaiko kideek hamar minutuko tartea eduki zuten lanik onenak aukeratzeko.
Aurten, gaia Eusk.aroa izan da. Aurkezle lanak Ugaitz Alegria aktore ondarrutarrak egin zituen.
Uda Films taldeko kideak, tartean Zuberogoitia, lehenengo saria jasotzen.
Aitor Gametxo, bigarren saria jasotzen, Jasone Mendizabal Euskaltzaleen Topaguneko zuzendariaren eskutik saria jasotzen.
