Ondarroako kantu bazkaria "giro onean" egin da

2016/02/20

Zubi Zahar Herri Ikastolak antolatuta, Angel Mariezkurrena eta Aitor Ibarra ‘Jalisco’ eta Francisco Santxotena musikariekin egin da kantu bazkaria gaur [otsailak 20], Ondarroako Arrigorri ostatuan. Estreinako egin da ekintza eta antolatzaileak “gustura” geratu direla esan dute. Bazkarian, esaterako, 70 lagunek parte hartu dute. “Giro ona egon da eta pozik gaude”. Bazkaria 14:30ean hasi bada ere, aurretik, goizez, herriko kaleak girotzen ibili dira parte hartzaileak. Ekimenari dagokionez, datorren urtean ere antzeko ekimena egiteko asmoa agertu dute.