Ondarroako gertaerak gogoan, Bizkaiko Bertsolari Txapelketaren Udabarriko Faseko lehenengo saioan
Bizkaiko Bertsolari Txapelketaren Udaberriko Faseko lehenengo saioa jokatu zen domekan, Berrizen. Horretan, Lea-Artibaiko bi bertsolarik parte hartu zuten: Lander Ibarluzea Bikandi Aitxulua (Etxebarria) eta Iñaki Lersundi Arrizabalaga (Ondarroa). Agurra botatzerakoan, Lersundik, Ondarroan azkenaldian gertatutako ezbeharrak (Kamiñaldeko lur jausia, lan istripuak eta gazte baten heriotza) aipatu zituen.
Lehenengo saioan, Berrizko kultur etxeko aretoa “bete-bete” egin zela jakitera eman du Bizkaiko Bertsozale Elkarteak. “Aulki bat bera ere ez da hutsik geratu”.
Puntuazioa. Saioa Peru Vidal Gurrutxaga Uribe Kostako bertsolariak irabazi zuen. Vidalek 178,25 puntu lortu zituen. Aitor bizkarra eta Beñat Romero bigarren eta hirugarren geratu ziren, hurrenez hurren, 176,75 eta 163 puntugaz. Aitxulua laugarren geratu zen, 159,5 puntugaz. Mikel Galarza Hego Uribeko bertsolaria eta Lersundi ondarrutarra bosgarren eta seigarren geratu ziren, 146,25 eta 130 puntugaz.
Hurrengo saioa apirilaren 17an [domeka] jokatuko da, 18:00etan, Bermeoko Kafe Antzokian.
[BIDEOA] Lersundiren agurra, Ondarroari eskainia:
Doinua: Larogeita hamar urte
Ibarluzea eta Lersundi, Berrizen.
Martxoan gure herrian gertakariak ugari hogeitalau urterekin agur hile gorriari Alberto Badiola ta Jabi Elun sendieri doluminik beroenak haien hutsa da nabari (bis)
500 besarkada/musu San Inazio auzoari herritar kaltetu baten ahotik nabil kantari Mila esker denagatik udaleko taldeari ez daukat hitzik txaloak Ondarruko herriari (bis)
