Irati Lasarte ondarrutarrak gimnastika erritmikoko Euskadiko Txapelketan lehiatuko du zapatuan
Bilboko Errekaldeko kiroldegian jokatuko da zapatuan [maiatzak 28] gimanstika erritmikoko Euskadiko Txapelketa, 10:10etan hasita. Eta Irati Lasarte ondarrutarra han izango da. Lasartek taldeka eta bakarka lehiatuko du.
Taldeka bost uztairekin ariko dira Lasarte eta haren taldekideak: Klaudia, Irati Agirre, Nahia Soto eta Naroa Guerrero. Bakarka, ostera, uztaiagaz eta pelotagaz ariko da Lasarte.
13 urtegaz, aurtengo denboraldian zazpi domina eskuratu ditu Lasartek.
Ibilbidea. Mutrikuko gimnastika erritmikoko taldean hasi zen. Han lau urte egin eta gero, Eibarko taldera pasatu zen. Eta sei urte eta gero, aurten Tolosan eta Ordizin hasi da entrenatzen.
Lasarte eta bere taldekideak.
Lasarte, txapelketa baten parte hartzen.
