Azaroaren 3an Lekeitioko hiribilduak 691 urte betetzen dituela ospatzeko herriko ondareari buruzko jardunaldiak antolatu ditu Lekeitioko Udalak. Hitzaldiak, aurkezpenak eta bisita gidatuak osatzen dute bihar [urriak 28] hasi eta azaroaren 26ra arte luzatuko den egitaraua.
Alberto Santanaren
The American immigration of Lucy Garatea dokumentalaren bitartez, Luciana Aboitizen historia ezagutzeko aukera egongo da bihar [urriak 28], 19:00etan, Azkue aretoan. Aboitiz Lekeitioko Arranegi kalean jaio zen, eta oso gazte zela, AEBra emigratu zuen.
Ondoren, Koldo San Sebastian kazetariak 1830 urtetik 1970era bitartean emigratu zuten 3.000 lekeitiarrez arituko da
Zentimorik gabe izeneko hitzaldian. Izan ere, 1920. urtera arte, Boisen zeuden euskal herritar gutxiren arteko gehienak lekeitiarrak ziren, eta, hainbat urtez,
Artzainen Dantza ospetsua, hiribildu horretako andrek dantzatutako Emakumeen Aurreskuarekin hasten zen.
Zita enperatriza eta bere seme-alabak Lekeitioko Uribarren jauregian. Argazkia: Lekeitioko artxiboa
Zapatuan [urriak 29], bestalde,
Zita enperatrizaz eta bere garaiaz ariko da Jose Maria Arriola. Lekeition jarraian bizi izan ziren pertsonaien artean munduan gehien ezagutzen zena Zita de Habsburgo enpreratriza izan zen. Zazpi urtez bizi izan zen Uribarren jauregian. Izan ere, jauregi horren inguruan gertatu da Lekeitioren historia garaikidea. Zitaren bizitzaz, herriaren berri eta bitxikeriez mintzatuko da Arriola, 18:00etan hasita, Lekeitioko historia gogoan izan eta ahaztu ez daiten.
Bolanderak. Hiribilduaren 691. urteurrenean [azaroak 3] bolanderak botako dituzte udaletxetik, eguna gogoan izateko, eta azaroaren 5ean Santa Maria elizako erretaula nagusiaren xehetasunak ezagutzeko aukera egongo da.
Lekeitioko Santa Mariaren elizako aldare nagusiko
erretaula gotiko-flamenko garrantzitsua 1508 inguruan egin zuten Lekeitioko Hirian sortuta zegoen eskola lantegian, Juan Garcia de Crisal maisuak zuzenduta. Crisalen heriotzaren 500. urteurrena dela-eta, erretaulari buruzko hitzaldia eskainiko du Jesus Muñiz Petralanda Euskal Herriko Unibertsitateko arte irakasleak.
Lekeitioko Andra Mariaren Basilikako erretaula.
Azaroko hurrengo hiru zapatuetan ere herriko ondarea ezagutzeko ekitaldiak egingo dira: azaroaren 12an, Lekeitioko historiari lotutako hitzaldi eta bisita gidatuak eskainiko dituzte; azaroaren 19an,
Los Goytisolo, una prospera familia de indianos liburua aurkeztuko dute; eta azaroaren 26an,
Armintxeko koban aurkitutako erliebeei buruzko hitzaldia egongo da.
