Bizkaiko Eskolarteko Igeriketa Txapelketako lehen jardunaldia jokatuko dute Markina-Xemeinen
2001 eta 2008 artean jaiotako igerilariak hartuko ditu Markina-Xemeingo Atxondo kiroldegiak zapatuan [azaroak 26], Bizkaiko Eskolarteko Igeriketa txapelketari hasiera emanez. 10:00etan hasiko da txapelketa, eta igerilariek 50 metro libre, 100 bizkar eta 200 bular egin beharko dituzte.
Ondarroako, Markina-Xemeingo, Lekeitioko, Bermeoko, Abadiñoko eta Gernika-Lumoko igerilariek hartuko dute parte ligako lehen norgehiagokan.
Bizkaiko Eskolarteko Igeriketa Ligak 8 jardunaldi izango ditu aurten, horrela, hilean behin herri ezberdinetan egingo dute igeri parte hartzaileek.
Zapatu goizean igeriketa txapelketa dagoela eta, Atxondo kiroldegiko igerilekua itxita egongo da beste erabiltzaileentzat.
Umeak Atxondo kiroldegiko igerilekuan.
