Markina-Xemeingo pilotalekuko giroa berotu dute Kontzezioko sei bertsolariek

2016/12/08

Bertsozalez bete ditu gaur arratsaldean [abenduak 8] Markina-Xemeingo Udal Pilotalekuko harmailak, Kontzezioko Bertso Jaialdiak. Amaiur Kultur Elkarteak emanaldi berezira gonbidatutako sei bertsolari handiek ez diote publikoeren usteei huts egin, eta lehen agurretik erakutsi dute Sebastian Lizasok, Andoni Egañak, Amets Arzallusek, Etxahun Lekuek, Onintza Enbeitak eta Alaia Martinek onena emateko prest zeudela. Era askotako gaiak jarri dizkie bertsolariei gai-jartzaile lanetan jardun duen Josu Goikoetxeak. El padre de Cain telesaila, euskalkien eztabaida, Aitor Zabaleta Realzalearen heriotza eta gaixotasun arraroen gaia besteak beste. Bertsoz- bertso, jaialdiak aurrera egin ahala, berotzen joan da publikoa, eta txalo zaparradagaz eskertu ditu bertsolarien ateraldiak.