Partida bereziak jokatuko dituzte Lekeition, XII. Beteranoen Trinketeko Esku Pilota Txapelketaren atarian
Domekan [urtarrilak 8] amaituko da XII. Beteranoen Trinketeko Esku Pilota Txapelketan izena emateko aukera. Oraingoz sei bikotek eman dute izena, urtarrilaren 15ean hasiko den norgehiagokan parte hartzeko, eta zalantzan daudenak izena ematera animatu eta beldurrak kentzeko, ekintza berezia antolatu dute. Horrela, etzi [urtarrilak 8], 10:00etatik 12:00etara, piloten aukeraketa egin eta partaideen artean lagun arteko partiduak jokatuko dira. Juan Ignacio Izarra, epaile eta pelota aukeratzaileak hartuko du parte ekitaldian.
Urtero modura, helduen parte-hartzea bultzatzea du helburu, martxan jarriko duten Trinketeko Esku Pilota Txapelketak. Lehiaketa binaka jokatuko da pilota goxoagaz, eta antolatzaileek dei zabala egiten diete 40 urtetik gorako pelota zaleei hurreratu, ikusi eta gustukoa badute, parte hartzeko. Jakitera eman dutenez, partidak domeka goizetan jokatuko dira, urtarrilean, otsailean eta martxoan.
Sei bikote aritu ziren iaz zein baino zein gehiago. Lekeitio, Eibar, Deba, Mallabia, Elgoibar, Mendaro,Garzaron (Nafarroa) eta Mendexakoak, eta Mallabira eta Debara joan ziren txapelak lehenengo aldiz, German Telleria eta Javier Bastidaren eskutik.
Kiroldegian izena eman behar dute jokatu nahi dutenek, eta telefono zenbaki bat ere jarri dute parte hartu nahi duenak deitu ahal izateko: 94 624 30 05.
Beteranoen Trinkete Txapelketako pilotariak. Argazkia: Beteranoen Trinkete Txapelketa.
