Lekeitioko Udako Arte Erakusketan izena emateko epea zabalik
Alor ezberdinetako artistek lekua izango dute, aurten ere, Lekeitioko Udalak uda garaian antolatuko duen arte erakusketan. Martxoaren 31 arte egongo da zabalik parte hartzeko aukera. Erakusketa, arte aniztasunaren isla izatea nahi dute.
Artista bakoitzaren erakusketaren iraunaldia aurkeztutako artista kopuruaren arabera izango da. Astebeteko erakusketak izango dira, printzipioz, baina bi astetara luza daitezke aurkeztu den partaide kopurua ez bada handiegia.
Izena ematerakoan, artistak bere lanen argazki eta dokumentazioa (biografia eta erakusketaren azalpenak) aurkeztu beharko ditu, eta ondoren, udaleko Kultur Sailak ebaluatuko ditu aurkeztutako lanak.
Erakusketan parte hartu nahi dutenak Lekeitioko Kultur Etxera hurbil daitezke izena ematera edo kulturetxea@lekeitio.eus helbidera idatzi.
Apirilaren hasieran onartuen eta baztertuen zerrenda aurkeztuko da eta ondoren zozketa baten bidez hautatuko dira behin betiko partehartzaileak.
Antolatzaileek jakitera eman duteez, Lekeitioko eta eskualdeko artistek lehentasuna izango dute.
