Organo errezitaldia, Mutrikuko elizan
Jose Antonio Pascual gaur egun Mutriku Musika Bandaren zuzenari denak organo errezitaldia eskainiko du barikuan [urtarrilak 27], 20:00etan, Mutrikuko Andra Maria Jasokundearen elizan. Gaurkoa, baina, ez da musika emanaldi soila izango. Izan ere, kontzertua urte eta erdian berriztatu berri duten elizako organoaren inaugurazio ekitaldia ere izango da.
Emanaldia hasi aurretik, organoa nola berriztatu duten azalduko dute; berriztatzen ibili diren enpresaren ordezkariek eta elizako ordezkariek emango dituzte azalpenak.
Pascualen ibilbidea. Ostean musika emanaldia eskainiko dute. Horretan, Pascualek ondoko musikarien piezak eskainiko ditu: Johann Sebastian Bach (Nun komm, der Heiden Heiland eta Fantasia y Fuga en Sol menor), Cesar Franck (coral nº3 en La menor), Jose Maria Usandizaga (Pieza Sinfonica) eta Charles-Marie Widor (Toccata de la 5ª Sinfonia para organo op.42).
Talentu handi eta ibilbide luzea duen musikaria da Pascual. Besteak beste, ondoko taldeak zuzendu izan ditu: Euskadiko Orkestra Sinfonikoa, Easo Banda XXI, Bilboko Orkestra Sinfonikoa…
Gainera, organojole bezala ere hainbat emanaldi ospetsu eskaini izan ditu musikari donostiarrak. Hori guztia gutxi ez eta gaur egun orkestra ezberdinekin ere parte hartzen du.
Jose Antonio Pascual Mutriku Musika Bandaren zuzendaria. Argazkia: Alberto Gorritiberea.
