Batel Liga hasiko dute Bizkaiko arraunlariek
Zapatuan [otsailak 4] hasiko dute Bizkaiko arraunlariek aurtengo batel denboraldia. Ligako lehenengo estropada La Benedicta estropada eremuan lehiatuko dute, Sestaon, eta Bizkaiko Arraun Federazioak jakinarazi duenez, bihar 15:00etan emango diote hasiera estropadari.
Bihar arratsaldera arte edukiko dute Bizkaiko arraun talde ezberdinek estropadarako izena emateko aukera. Hala ere, Lekeitioko Isuntza Arraun Elkarteko eta Ondarroa Arraun Elkarteko batelak parte hartuko dutela berretsi dute klub bietako ordezkariek.
Isuntzaren izenean, 5 batelek egingo dute arraunean: alebin mutilen batel batek, txikien mailako mutilen 3 batelek eta kadete mailako mutilen batel batek parte hartuko du zapatuko norgehiagokan.
Ondarroari dagokionez, 8 edo 9 batelek parte hartuko dutela jakitera eman du Gorka Elordi Ondarroa Arraun Elkarteko presidenteak. Horrez gain, gazte mailako bateletako bategaz ere parte hartzeko zalantzan daudela aitatu du. Berretsitako batelen artean, honakoak dira parte hartuko dute batel kopurua, kategoriako banatuta: etorkizunekoen maila neskak 2, txikiak neskak 2, kadete mutilak 1, gazte-senior neskak 2 eta gazteak mutilak 2.
Jaitsiera. Domekan ere, estropada egongo da Sestaoko uretan; Kaikuk antolatzen duen IX. Julian Enrique Memoriala Traineru Jaitsiera. 11:30etan hasiko da proba, eta Isuntzak traineru bategaz parte hartuko duela jakitera eman dute Lekeitioko klubeko ordezkariek.