Salmenta onak Markina-Xemeingo XV. Zuhaitz eta Landare Azokan

2017/02/11

11 mintegik parte hartu dute gaur [otsailak 11] Markina-Xemeingo XV. Zuhaitz eta Landare Azokan. Eta sailtzaileek HITZAri jakin eragin diotenez, salmentak ondo joan dira. “Jendeak erosi egin du, eta pozik gaude”. Gehien saldu diren produktuen artean daude bertokoak ez diren landareak, Mimosak esaterako, eta sagarrondoak. “Jendeak landare exotikoak direnak nahi ditu”. Eguraldiak ere asko langudu duela esan dute. “Iaz euria egin zuen, eta aurten ateri eduki dugu. Horrek ere eragina dauka salmentetan. Dena dela, Markina-Xemeingo azoka honetan beti saltzen da, jendea erostera etortzen da”. Zuhaitzen artean sagarrondoak nagusi izan badira ere, madariondoak eta gereziondoak ere ondo saldu direla esan dute. Saltzaileetako batek esan du 12:00ak aldera jende iladak eduki dituztela. Izotzaren eragina. Aurten, gainera, azkenaldian nahikoa izotz egin duela eta, landare eta zuhaitz asko kaltetu dira. “Eta horrek ere salmentak gehitzea eragin du”. Landareei dagokienez, herritarrek Euskal Herrikoak diren espezieak baino kanpokoak direnak nahiago dituztela azaldu dute. “Klima aldetik, Euskal Herria nahikoa nahasia da, eta zailagoa izaten da landare eta zuhaitz batzuk haztea. Baina jendeak horiek nahi ditu”. Landare txiki eta koloretsuek ere herritaren arreta erakarri dute. “Badirudi udaberri gosez gaudela”, esan du sailtzaileetako batek. Orokorrean, giro ona izan da nagusi Plazabarripean, eta herritarren harantza honantza handia izan da; jende asko ikus zitekeen eskuan poltsaren bat zeramala. Gozoak saltzen egon direnek ere salmenta onak eduki dituztela azaldu dute. Gainera, erosketak egin eta gero, taloa jateko aukera ere eduki dute herritarrek.

Salmenta onak Markina-Xemeingo XV. Zuhaitz eta Landare Azokan

Bizkaia

Freedom Flotillak herritarren berotasuna jaso du Bilbon, Gazara abiatu baino lehen

«Erreparazio publikoa» eskatu du Agirre alkateak Getxoko jauregiaren auzirako

Epaileak artxibatu egin du Getxoko Irurak Bat jauregia eraisteagatik irekitako auzia

LHKren itzulpen zerbitzurik gabe egin dute Bizkaiko metalgintzako mahaiaren bilera

Plentziako Eskolako lau autobus zerbitzuetatik bi kenduko dituztela salatu dute gurasoek

Begoñako basilikaren 3Dko erreplika bat egin dute, indusketen emaitzak dokumentatzeko

Errealitatea «desitxuratzen saiatzea» egotzi diote Gernikako gaztetxeko kideek alkateari

Aurkitu dute joan den ortziraletik desagertua zen Barakaldoko gizona

Gernikako Udalak ohartarazi du gaztetxeko kideek ordaindu egin beharko dutela liburutegi berriko lanak atzeratuz gero

Ia 490.000 bisitari izan ditu Guggenheim museoak ekainetik abuztura bitartean

Bizkaiko metalgintzako mahaian hasiko da ELA lan itunak euskaraz negoziatzen

Iker Casanova proposatu du EH Bilduk Bizkaiko ahaldungai nagusi izateko

Barakaldon desagertutako 77 urteko gizon baten bila ari dira