Goazen mutrikuarrok herri galdeketara izenburupean, Mutrikuko Gure Esku Dago-k maiatzaren 7ra begirako abestia aurkeztu zuen zapatuan [apirilak 1], Beheko Plazan (bideoa behean). Aurkezpena jai giroan egin zuten herri dinamikako kideek, eta herritarrek ondo baino hobeto erantzun zuten.
Berdel Eguna zela eta zapatuan Mutrikun jai giroa ez bazen falta ere, Mutrikuko Gure Esku Dago-k eguerdiko giro hori are gehiago berotu zuen. Izan ere, maiatzaren 7ko galdeketan herritar guztiak parte hartzera gonbidatzen dituen abestia entzunaz batera, Beheko Plazan bildutako guztiak dantzan jarri ziren.
Gure Esku Dago-ren kideek abestiaren letra banatu zuten, eta Gure Esku Dago-ren arrantzale zapiak eskuetan hartuta, plazan bildutako guztiek kantatzeari ekin zieten.
Abestiaren grabaketan herriko talde, elkarte eta norbanakoek parte hartu dute; herritarrek herritarrentzako egindako abestia da.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.