23. Mus Txapelketa jokatuko da maiatzean, Lekeitioko Guzurmendi tabernan
Urtero modura, mus txapelketa jokatuko da Guzurmendi tabernan, maiatzean. 23. Mus Txapelketarako izena emateko epea irekita egongo da eguenera arte [apirilak 27], 20 euroren truke bikote bakoitzeko.
Maiatzaren 2an hasiko dira jokatzen txapelketa, eta denetara, hilabete bat iraungo duela jakitera eman dute antolatzaileek.
Betiko modura, partidak aste barruan jokatuko dituzte mus zaleek, astelehenetik eguenera arte, eta hitzordua 22:00etan izango da, tabernan bertan.
Lau erregetara jokatuko da txapelketa, eta izena emateko Guzurmendira bertara joan behar dute bikoteek.
Lehenengo gelditzen diren lau bikoteek izango dute saria. Lehenengoentzat txapelak, kopak diru saria egongo dira, eta gainerakoentzat, dirua eta oparia.
