Langile eta zapaldutako herri prekarioen eskubideak aldarrikatu dituzte Lekeition

Maiatzaren 1aren harira bildu ziren atzo [apirilak 30] 90 lagun inguru Lekeitioko Eskolapean, Prekarietateari marra gorria lelopean. Krisia gelditzeko etorri dela adierazi zuten, eta zapalkunde horreri aurre egiteko, talde erantzuna eman behar zaiola azpimarratu zuten. “Krisia kapitalismoaren esentzian dago. Aberatsak aberatsago doaz eta langileak gero eta pobreago. Krisia barik, tranpa berba erabiltzea hobeto egongo litzateke, edo nahi bada gerra ekonomiko eta soziala”.
Atzo, Lekeitioko Eskolapean egindako bilkura.

Atzo, Lekeitioko Eskolapean egindako bilkura.

Atzoko mobilizazioa antolatu zuten herritarren esanetan, gobernuek argitaratzen dituzten datuak eurak argi uzten dute zapalkuntza egoera areagotu izana. “Lekeition bertan ere prekarietateak milaka aurpegi ditu. Horren adibide baino ez dira ekitaldi honen deialdia egiteko aurreko egunetan zabaldu ditugun jendearen kasu errealak”.

Prekarietatearen normalizazioaren aurrean, ez dela isilik gelditu behar esan zuten. “Zapalkuntziari bere izenetik deitu behar zaio, zapalkuntza horregaz amaitzeko lehenengo egin beharra identifikatzea delako”.

Lekeition prekarietatea salatzeko egindako bilkura.

Lekeition prekarietatea salatzeko egindako bilkura.

Zapalkuntzari, gainera, taldean erantzun behar zaiola adierazi zuten. “Kolektiboak diren arazoei bakarka nekez emango diegu buelta. Azken urteetan gertatzen ari den desmobilizazio orokorrari aurre egin behar diogu; zapalkuntzaren kontzientzia hartu eta gainditzeko borroka egitea beste biderik ez daukagu”.