Euripean ere, girotsu hasi dira Berriatuko San Gregorio jaiak

2017/05/05

Iragarrita zegoen orduan, 18:00ak aldera hasi da Kaxero Gaupaserori laguntzeko kalejira. Berriatuko Tarine Udal Musika Eskolako kideek lagunduta, Berriatuko jaietako protagonista nagusia urtero legez traktorean jaitsi da. Plazara ailegatu orduko hasi dira euri tantak, eta atzetik zaparrada, baina horrek ez du berriatuarren jai giroa apaldu, eta aterkiak zabalduta, udaletxe parera hurreratu dira denak. Behin han, Kaxero Gaupasero udaletxeko balkoira atera eta pregoia irakurri dute. Aurten, Berriatuko Jai Batzordeak Berriatuko Gure Esku Dago-ren kideei utzi die txupina eta pregoia botatzeko ohorea. Eta halaxe egin dute, “ohore handiz” eta esker onez. GED-en kideek domekan [maiatzak 7] egingo den herri galdeketan parte hartzera animatu dituzte herritar guztiak, eta bide batez, domekarako prestatutako egitaraua errepasatu dute. Jaiak ondo pasatzeko esan eta segituan txupinari su eman eta jaiak eztanda egin du Berriatuan. HONEKIN LOTUTA:

Ikusi jaietako egitaraua

Erlazionatutako edukiaEGITARAUA: Berriatuko San Gregorio jaiak 2017