Mikel Urdangarinek 'Margolaria' diskoa aurkeztuko du Ondarroan

Emanaldia barikuan [maiatzak 26] izango da, 23:00etan, Beikozinin. Sarrerak salgai daude, 10 euroan, Beikozinin. 2015ean bakarka eta zuzenean aurkeztutako lana eta gero, oraingoan Urdangarinek banda osoaren musikalitateaz osatu du Margolaria diskoa; diskoa “hurbilekoa, eskuzabala eta sendoa” dela jakitera eman dute. Guztira, hamar kantuk osatzen dute diskoa. “Kantuek gizakiaren barrura begiratu samur bat botatzeko eta norberaren bakardade gordinean bizi diren ahuleziak eta zalantzak askatasun kantu bilakatzeko balio dute”. Halaber, entzunaldi hunkigarri batez baliatuta, abestiak bata bestearekin lotzen direla diote. “Eta modu harrigarrian harraptzen gaituzte, gure barruan hazten eta garatzen doazen indar ahaltsuak balira bezala”. Oro har, grabaketa saioetan lortutako komunikazio musikalaren ondorioz, interpretazioaren sobrietate dotoreak “abestien kualitatea mailarik gorenera” igotzen du, non intentsitatea eta emozioan arteko jolasak, sakontasun handia ematen du. Margolaria-n ahotsak gertutatsun handiagoa hartzen duela eta atseginagoa somatzen dela diote. “Ahotsaren intentsitate maila hori lan honek funtsean dakarren mezu animikoaren zabalkunderako erabat lagungarria da”. Taldeak dio diskoa esfortzu handi baten emaitza biltzen duen lan borobila dela.
  • Bateria: Angel Celada
  • Baxua: Jon Cañaveras
  • Pianoa eta teklatuak: Koldo Uriarte
  • Gitarra: Rafa Rueda
  • Biolina: Nika Bitchiasvili
  • Azaleko irudia: Alain Urrutia margolariaren lanak