Gure Esku Dago herri dinamikak galdera ikurrak marrazten, Bilborako deia egiteko
Ekainaren 10ean Gure Esku Dago herri dinamikak deituta Bilbon egin den ekintzarako dei egiten ari dira bateko eta besteko herri dinamikak. Hala, Lea-Artibai eta Mutrikuko zenbait herri dinamikek mosaiko itxuran galdera ikurrak marraztu eta herritarrei hilaren 10ean Bilbora joateko dei egin diete.
- Amoroton domekan [maiatzak 28] egin zuten mosaikoa, plazan.
- Berriatuan barikurako [ekainak 2] jarri dute hitzordua. 17:30ean plazan batu eta galdera ikurra osatuko dute. Argazkia eta Bilbora joateko deia egiteaz gain, konpromiso txartela eskuratuko dute herritarrek. Berriatuko herri dinamikak koral koloreko kamisetagaz joateko deia egin die herritarrei.
- Aulesti: Ekainaren 10ean Bilbora joateko autobusean izena eman behar da, Ilunzar eta Ubilla tabernetan. Konpromiso txartelak ere bi leku horietan daude eskuragarri.
- Lekeitio: ekainaren 10ean Bilbora joateko autobusa (15:30ean Mandaskatik aterako da). Izena emateko, Guzurmendin edo ikastolaren tabernan (Eskolapean). Konpromiso txartela+autobuserako txartela=5 euro.
- Ondarroa: Bilbora joateko autobusean izena emateko, eguenetan edo barikutan (18:30etik 20:30era, lokalean). Zapatuan (ekainak 3) Kamiñazpin, eta domekan (ekainak 4) Alamedan.
- Markina-Xemein: Bilbora joateko txartelak salgai daude Alarabi eta Ixaie dendetan.
- Mutriku: autobusean izena emateko barikuan (ekainak 2), 19:00etatik aurrea aurrera Beheko Plazan. Egun horretan, baita ere, galdeketa eguneko irudiak proiektatuko dituzte. Ekainaren 10ean Bilbora autobusez joan nahi duenak izenak eman lehenbailehen.
- Ispasterren, ostera, ekainaren 4an, galdera ikurraren mosaikoa egin eta argazki erraldoia aterako dute, 13:00etan, plaza.
- Etxebarrian joan den asteko barikuan [maiatzak 26] egin zuten mosaikoa.
Etxebarriko mosaikoa. Argazkia: Etxebarriko Gure Esku Dago.
Amorotoko mosaikoa. Argazkia: Amorotoko Gure Esku Dago.
