Ziortzako Kontzertuek eskaintza zabala dakarte, ekainaren 11ra arte
Gaur aurkeztu dituzte Ziortza-Bolibarko Ziortzako Kontzertuak Bilboko BBK Aretoan. Eta emanaldiak zapatuan [ekainak 3] hasiko dira, Euskal Barrokensamble taldearen emanaldiagaz. Domekan, ostera, Conductus Ensamble taldeak eskainiko du emanaldia. Oharra: saio guztiak 18:00etan hasiko dira.
Asteburua pasata, hurrengo emanaldiak datorren asteko zapatuan [ekainak 10] eta domekan [ekainak 11] izango dira; Arteus Orkestra (ekainak 10) eta La Ritirata (ekainak 11).
Autobusa, Bilbotik. Gainera, Bilbotik autobusa ere antolatu dute. Autobusak Elkano kaleko autobus geltokitik aterako dira. Jakitera eman dutenez, autobus bakarra aterako da egunero, eta ondorioz lekuak mugatuak dira. Autobusa 16:00etan aterako da Bilbotik, eta erreserbak 15 minutu lehenago hartu behar direla esan dute. Prezioari dagokionez, txartelako banaka erosiz gero, eguneko 10 euro dira (joan-etorri bat). Dena dela, lau egunetarako bonoak 35 euro balio duela gogora arazi dute antolatzaileek.
Erreserbak. Autobuserako erreserbak egiteko ondoko posta elektronikora idatzi behar da: ziortzakokontzertuak@gmail.com. Mezua bidaltzerakoan, erreserba zein egunerako den eta zenbat lagunentzako gorde behar den lekua zehaztu behar da. Informazio gehiagorako, ondoko telefono zenbakira deitu ahal da: 656 78 08 72.
Emanaldiei buruzko informazio gehiago, HEMEN.
Euskal Barrokensamble taldea, emanaldi bat eskaintzen.
Aldundiko ordezkaria, kartelaren egilea eta jardunaldien antolatzaileak, Ziortzako Kontzertuen aurkezpena egiten, Bilboko BBK aretoan. Argazkia: Bapo Bapo produkzioak.
