Gernika Jai Alai eta puntista ispastertarra adostasunera ailegatu dira, eta ondorioz, uda honetan Euskal Herriko frontoietan jokatuko du Erkiagak; ispastertarrak bi urte zeramatzan Miamin (Ameriketako Estatu Batuak) jokatzen, Miami Jai Alai enpresagaz.
Gernika Jai Alaik eta puntistak adostu dutenez, Erkiagak Jai Alai World Tour-eko txapelketa nagusietan jokatuko du; besteak beste, Gernika-Lumoko Grand Slam-en ariko da. Halaber, Erkiaga Donibane Lohitzuneko nazioartekoetan jokatzeko ere aukeratua izan da.
Aritz Erkiaga aurrelari ispastertarra. Argazkia: Bo Chambers / Viva Jai Alai
Jai Alaiko
puntista erreferenteetako bat izateaz gain, mundu mailako aurrelaririk onenetarikoa ere bada Erkiaga; Jai Alaiko arduradunek jakitera eman dutenez, “batzuen ustez onena”. 2011n Bikotekako Txapelketan txapelduna eta 2014an Bakarkako Txapelduna izan zen. Horrez gain, Orlandoko Citrus txapelketa ere irabazitakoa da, bai eta Biarritzeko Gant D´Or eta Donibane Lohitzuneko nazioartekoak.
“Edonola ere, Erkiaga Euskal Herriko fronotietara itzultzea albiste ona da, bai Jai Alairentzako eta baita ere zale guztientzako”, esan dute Jai Alaikoek.