Euskal gehiengo sindikala elkartu da gaur goizean [ekainak 6] Lekeitioko Eskolapean Nigerian lan istripuan hildako itsasgizonaren heriotza salatu eta hildako langilearen familia eta lagunei babesa emateko. Ordu erdiko
elkarretaratzea egin dute ELA, LAB, ESK, Steilas, EHNE eta Hiru sindikatuetako ordezkariek eta herritarrek
Lan istripu gehiagorik ez, prekarietatea hiltzailea lelopean.
Gehiengo sindikalak gaur goizean Lekeition egin duen elkarretaratzea.
Neurriak hartzen ez badira, zoritxarrez horrelakoak gertatzen jarraituko dutela nabarmendu du LAB sindikatuak. Lehenengo eta behin elkartasuna erakutsi nahi izan diote joan den barikuan Nigeriako uretan hil zen lekeitiar itsasgizonaren familiari, eta zoritxarrez, ezin dela ahaztu esan dute joan den astean
beste bi langile ere hil zirela lan istripuetan. “Eta jada 27 langile dira urte hasieratik lan istripuz hil diren langileak, aski da!”.
Gaur egungo krisi ekonomikoak lanpostuak inoiz baino gehiago prekarizatu dituela adierazi du LAB sindikatuak, eta itsasoko lanetan dihardutenak ere nabaritu dute hori. “Lan baldintzak, istripu bat gertatuz gero ezer ezin egina, ez medikurik, ez soroslerik, urruntasuna… Batzuen abersateko goseak langileen bizitzen kontura izaten dira, eta ezin dira onartu”. Hori dela eta, arrantzale eta itsasgizonen
osasuna gauza guztien gainetik bermatzea exijitu du LAB sindikatuak. Itsasontziak edozein istripu ekiditeko prestatuak dauden pertsonak kontratatu ditzatela eskatu dute, eta administrazioek eta armadoreek inbertitu dezatela dagokien diruak itsasgizonen osasuna bermatzeko.