Emaitza onak lortu dituzte Lea-Artibaiko kirolariek Zarauzko triatloian
Zarauzko triatloitik emaitza onekin itzuli dira Lea-Artibaiko triatletak. Zapatuan [ekainak 10], 2,9 kilometro igerian, 81 kilometro bizikletan eta 20 kilometro korrika egin behar izan zituzten parte hartzaileek.
Zorion Kareaga markina-xemeindarrak bederatzigarren amaitu zuen Zarauzko proba, lau ordu eta 26 minutuko denborarekin. Postu bat atzerago amaitu zuen Haritz Garate lekeitiarrak, Kareaga baino minutu bat gehiago behar izan baitzuen froga amaitzeko. Helmugan, 4 ordu 27 minutu eta 45 segundu behar izan zituen. Arantza Burgoa Agirregomezkorta ondarrutarrk 5 ordu eta 43 minutuko denbora egin zuen, eta emakume beteranoen 2. mailan lehen sailkatua izan zen; sailkapen orokorrean, 20. postuan geratu zen.
Triatletek jakitera eman dutenez, Zarauzko triatloia Espainia mailako triatloirik ezagunenetarikoa da, eta han lehenengo hamarren artean geratzea lorpen handia da. “Oso pozik gaude. Urte askoko lanaren fruitua da”, esan du Kareagak.
Animoak. Koaxi Triatloi Taldeko Burgoak eskerrak eman nahi izan zizkien sare sozialen bidez Zarautzen zapatuan bera animatzen aritu ziren guztiei: “Badago gauza bat , urtero berdina dena Zarautzen, ikusleen animo beroak (kirolaria ezagutu edo ez). Beraien animoei esker , hegan egiten dugu. Eskerrik asko denoi”.
Kareagak ere jendeak asko animatu izana aipatu du. “Ibilbide guztia jendez beteta zegoen eta guztiek animatzen zuten. Animoak eskertu genituen, bero handia egiten zuen eta”.
Irabazleak. Gizonezkoetan Cesc Godoyk irabazi zuen triatloia. Azaldu dutenez, 90eko hamarkadan haren aita Zarauzko triatloia hiru aldiz irabazi zuen. Bigarrena Gustavo Rodriguez izan zen; Rodriguez Espainiako Txapelketa eta Bilboko Ironmana Erdia irabazitakoa da. Hirugarrena Miguel Angel Fidalgo izan zen.
Emakumezkoetan, Joselyne Brea, Judith Corachan eta Saleta Castro izan ziren lehenengoa, bigarren eta hirugarrena, hurrenez hurren.
Zorion Kareaga, Zarauzko triatloian parte hartzen
Triatletek jakitera eman dutenez, Zarauzko triatloia Espainia mailako triatloirik ezagunenetarikoa da, eta han lehenengo hamarren artean geratzea lorpen handia da. “Oso pozik gaude. Urte askoko lanaren fruitua da”, esan du Kareagak.
Animoak. Koaxi Triatloi Taldeko Burgoak eskerrak eman nahi izan zizkien sare sozialen bidez Zarautzen zapatuan bera animatzen aritu ziren guztiei: “Badago gauza bat , urtero berdina dena Zarautzen, ikusleen animo beroak (kirolaria ezagutu edo ez). Beraien animoei esker , hegan egiten dugu. Eskerrik asko denoi”.
Kareagak ere jendeak asko animatu izana aipatu du. “Ibilbide guztia jendez beteta zegoen eta guztiek animatzen zuten. Animoak eskertu genituen, bero handia egiten zuen eta”.
Irabazleak. Gizonezkoetan Cesc Godoyk irabazi zuen triatloia. Azaldu dutenez, 90eko hamarkadan haren aita Zarauzko triatloia hiru aldiz irabazi zuen. Bigarrena Gustavo Rodriguez izan zen; Rodriguez Espainiako Txapelketa eta Bilboko Ironmana Erdia irabazitakoa da. Hirugarrena Miguel Angel Fidalgo izan zen.
Emakumezkoetan, Joselyne Brea, Judith Corachan eta Saleta Castro izan ziren lehenengoa, bigarren eta hirugarrena, hurrenez hurren. 
