Txomin Goitia eta Ander Elordi lekeitiarrek irabazi dute Paleta Argentinarreko txapelketa
Azkenean ere, lekeitiarrak izan dira jaun eta jabe Lekeitioko trinketean jokatu den Paleta Argentinarreko Txapelketan. Finala Txomin Goitiak eta Ander Elordik eta Mallabiako Mikel Garcia eta Diego Ardohainek jokatu zuten. Partida “estua” izan zela esan dute antolatzaileek, eta 30-28ko markagailuagaz amaitu zen.
Finala jokatu aurretik, baina, finalaurrekoak jokatu ziren. “Partida horietan finalerako sailkatu ziren bi bikoteak erraz gailendu ziren”.
Antolatzaileek azken partidak ikustera joan ziren ikusle kopurua “handia” izan zela esan dute. “Dena bikain atera zen, eta espero baino ikusle gehiago egon ziren”.
Omenaldia. Antolatzaileek 2011n moto istripu batean hil zen Aitor Gabiola omendu zuten. “Gabiola bai Lekeition eta bai Abadiñon pilotari askogaz jokatutakoa zen; pilotari askogaz bere elkarbanatu zituen bere bizipenak, entrenamenduak edota partida asko eta asko”.
Txomin Goitia eta Ander Elordi irabazleak (erdian), ezker-eskuman azpitxapeldunak dituztela.
Herritarrak trinketean, finalak ikusten.
