Markina-Xemeingo Artibai Futbol Taldeak denboraldiaren aurkezpena egingo du
Artibai Futbol Taldeak 2017-2018 denboraldian lehian edukiko dituen taldeen aurkezpena egingo du zapatuan [irailak 9] 16:15ean, Barroeta futbol zelaian. Denboraldi honetan herriko futbol taldeak dituen talde desberdinetako partaideak ikusteko aukera egongo da bertan.
Hastear den denboraldian jokatuko duten bost mailatako jokalariak, horien entrenatzaile eta arduradunak, eta zuzendaritza batzordea aterako dira zelaira: Txikiak, kadeteak, gazteak, beteranoak eta nagusiak.
Aurkezpenaren ondoren nagusien mailako partida jokatuko da Artibai FT eta Zalduaren artean. Norgehiagoka 17:30ean hasiko da.