Andramarien giro onagaz gozatu dute Munitibarren
Asteburuko euria ez da oztopo izan Munitibarren, Andra Mari jaiak ospatzeko. Musika entzun, antzerkiak ikusi, txapelketetan parte hartu eta mokadutxoa hartzeko aukera guztiak aprobetxatu dituzte herritarrek.
Pintxo eta trikitilariekin eman zieten hasiera jaiei, Gerrikaitzen. Lagun asko bildu zituen barikuko [irailak 8] kopauak, bai eta zapatuko [irailak 9] mus eta briska txapelketek ere. 31 bikotek egin zuten musean, soziedadean eta 21 bikotek briskan, elizpean. Jaime eta Ortiz izan ziren museko irabazleak; Karmen eta Juan, ostera, briskako txapeldunak.
Bildots errea ere prestatu zuten zapatuan Gerrikaitzeko plazan, sei bildotz egin zituzten burduntzian, Ilargi Beltzaren erromeria aurretik dastatzeko.
Euria zela eta, udala aretoan egon zen Zirika Zirkusen Txarlestrup antzezpenagaz amaitu zituzten atzo [irailak 10] jaiak.
Pintxo jana, Gerrikaitzeko jaien lehen egunean. Argazkia: Munitibarko Udala
Briska Txapelketako irabazleak, Arkaitz Goikoetxea alkateagaz. Argazkia: Munitibarko Udala
Mus Txapelketako irabazleak, Arkaitz Goikoetxea alkateagaz. Argazkia: Munitibarko Udala
