Kataluniako erreferenduma babesteko Bilbon deituta dagoen manifestaziorako autobusak antolatu dituzte
Gure Esku Dago-k deituta zapatuan Bilbon egingo den manifestazio nazionalera joateko autobusak egongo dira Lea-Artibaitik. 17:30ean Bilboko La Casillatik abiatuko da manifestazioa, Demokrazia eta bozkatu erabakitzeko lemapean.
Lekeitiotik antolatutako autobusean joateko asmoa dutenek Aralde dendan eta Galarrena tabernan izena eman behar dute. Era berean, posta elektronikoz ere izena eman daiteke lekitxo@gureskudago.eus-era idatzita. Barikura bitartean izena eman ahalko da.
Lekeitioko Gure Esku Dagoko kideak asteburuan kalera atera dira katalanei haien babesa erakutsi, eta zapatu honetan Bilbora joateko deia eginez. Hala, jakitera eman dutenez, dagoeneko autobus bat bete dute. Zapatuan 15:30ean irtengo dira autobusak Mandaskatik.
Ondarrutarrek Alai, Amarratza edo Kulixka tabernetan edo Kurike dendan izena eman dezakete. Zapatuan autobusa Zaldupetik aterako da, 16:00etan.
Eskualdeko gainontzeko herrietako bizilagunek izena eman dezakete, eta Lea-Artibaiko Gure Esku Dagoko kideek Kataluniako prozesuari eta galdeketari atxikimendua eta babesa eskaintzeko Bilbora joateko gonbidapena luzatu diete eskualdeko herritarrei.
Bueltako autobusak 19:30ak aldera aterako dira Bilbotik.
HONEKIN LOTUTA: Ondarroan domekan egin zuten elkarretaratzea
Erlazionatutako edukiaKataluniako erreferenduma babestu dute hainbat Ondarrutarrek
