Euskal Zine Bileraz gozatzeko aukera izan dute umeek
Aspalditik, txikiek ere euren txokoa izaten dute Euskal Zine Bileran eta aurten Juanba Berasategiren filmak ikusi eta lantzeko aukera izango dute. Hori dela eta, gaur [urriak 17] Txirri, Mirri eta Txiribitonen pelikula ikustera joan dira LH 1, 2 eta 3-ko ikasleak, zinezaletasuna suspertzeko asmoz.
Aste guztian bezala, gaur arratsaldean ere, lehiaketan eta lehiaketaz kanpo, 40. Euskal Zine Bileran parte hartuko duten hainbat film labur ikusteko aukera egongo da, 19.30etatik aurrera, Lekeitioko Ikusgarri aretoan eskainiko duten emanaldian. Hiru film amateur eta profesional bat ikusteko aukera egongo da gaurkoan:
Zapatuan [urriak 14] zabaldu zituen Euskal Zine Bileraren ateak. Asier Hernandez eta Miren Gogenolak aurkeztu zuten irekiera ekitaldia, eta Euskal Zine Bileraren 40 urteetako bilakaera azaldu zuten. Juanba Berasategiri omenaldi hunkigarri bat ere egin zioten, bere alaba Miren Berasategiren parte hartzeagaz, eta Lekeitioko Musika Bandaren 150. urteen errapasoa ikusteko aukera ere egon zen, urteurrenaren harira bandak argitaratu zuen dokumentalaren bidez.
Umeak gaur goizean Ikusgarri zineman. Argazkia: Euskal Zine Bilera
- Aroak, Alberto Fernandez Vegas (Fruiz). Profesionala, 29′.
- Arrazak, Unai Unda (Bilbo). Amateurra, 4′.
- Zulo, Amancay Gaztañaga eta Erica Olaizola (Zestoa). Amateurra, 14′.
- Motxilaren umea, Rita Naveira Roel (Bilbo). Amateurra, 22′.
Miren Berasategi EZBren oroigarria hartzen. Argazkia: Euskal Zine Bilera
