Emakunderen autobus ibiltaria Lekeition egongo da
Lekeitiarrek Emakunderen autobus ibiltaria ezagutzeko aukera edukiko dute barikuan [urriak 27]. Autobusa Portal de Atean kokatuta egongo da 16:00etatik 20:00etara, eta ibilgailua bisitatzeagaz gain, gerturatzen diren haurrek Errezeta doktorearen ipuinak entzuteko aukera ere izango dute 17:00etan.
Azaldu dutenez, Lekeitioko Udaleko Emakumea eta Berdintasuna batzordeak antolatutako ipuin kontalari saioak, haurrei zuzendutako istorioen bitartez, emakume eta gizonezkoen arteko berdintasuna txikienen artean modu eraginkorrean sustatzea dute helburu. “Errezeta doktoreak intolerantzia eta desberdintasunaren gaitzei aurre egiteko bost ipuin ezberdin kontatuko dizkie bere kontsultara doazen haurrei”.
