Ziortza-Bolibarko San Tomas jaiak, hotzagaz ere girotsuak

2017/12/16

Gaur [abenduak 16] hasi dira ziortza-bolibartarrak San Tomas jaiak ospatzen. Herritarrak abilak dira, bai antolaketan eta baita ere ospatzerakoan. Hala, San Tomas jaiak beste behin ere kutsu herrikoiagaz hasi dituzte. 19:00ak puntuan txupina bota eta herritarrak udaletxe atzeko lokalean batzen joan dira. Eguraldia aldeko ez bazegoen ere, asko izan dira baserritar jantzi eta kalera atera direnak. 19:30ean kalejira egin dute, eta kalejira frontoian amaitu da. Han bi abesti abestu dituzte guztien artean, eta 20:30ean afari herrikoia egin dute. Horretan 100 herritarretik gora batu dira.

[zuzenean ARGAZKI GALERIAra joan]

Gaurkoa hasiera besterik ez da izan, eta bihar eta hilaren 21ean ere ospakizunak edukiko dituzte. IKUS EGITARAUA