Ibon Iparragirre Alcala-Mecon dago, ospitale batera eraman ostean

Mikel Santiso

2017/12/19

Atzo [abenduak 18] eraman zuten Madrilgo (Espainia) ospitale batera, baina gauera orduko presondegira eraman zuten berriz ere. Iparra Galdu Baik plataformak jakitera eman duenez “iragan astean eztulka hasi zen eta asteburuan areagotu egin zaio. Hori dela eta espetxeko medikuak ospitalera bidali zuen atzo”. Plataformatik esan dute “harrigarria” bada ere asteburuetan ez dela medikurik egoten. Maiatzean ere eraman zuten Gregorio Marañon ospitalera eztula zeukala eta, eta azkenenan pneumonia diagnostikatu zioten. Gogoratu dute Iparragirrek espetxean jarraitzea eta baldintzapean aske ez uzteko erabakia Espetxe Zaintzako Jose Luis Castro epailearena dela. Berak nahi duenean sinatu dezake preso ondarrutarra aske uzteko sinatu beharreko dokumentua. Plataformak gaineratu du presoaren egoera “delikatua” dela eta Ibonen berehalako askatasuna eskatzen dutela. Azken egunetan zabaldutako zenbait informazio oker direla eta Iparra Galdu Baik plataformak edozein informazio zabaldu baino lehen zuhurtziaz jokatzeko eskatu du.

Domeka eguerdian Ondarroan egin zuten elkarretaratzea. Argazkia: Iparra Galdu Baik

HONEKIN LOTUTA:

[Abenduak 15]: Epaileak ez du oraindik Ibon Iparragirreri buruzko erabakirik hartu
[Azaroak 30]: Europako Diputatuek Ibon Iparragirre aske uzteko eskatu dute
[Azaroak 23]: Ibon Iparragirreren bizia “mugara” iritsi dela esan dute Sarek eta Etxeratek