Beteranoen trinketeko txapelketak partida orekatu eta politak dakartza asteburuan
Trinketeko behegainean izaten duten hezetasunaren ondorioz atzeratzen joan zaizkien partidak errekuperatu asmoz, barikuetan ere jokatzen hasi dira Beteranoen Eskuz Binakako Txapelketako partidak. Hala, asteburu honetan ere barikuan [otsailak 2] eta domekan [otsailak 4] izango dute pilotazaleek trinketeko lehiagaz gozatzeko aukera.
Partida orekatu eta politak aurreikusten dituzte antolatzaileek, baina Astigarragak eta Egañak, Telleria eta Conderen aurka barikuan izango duten norgehiagoka azpimarratu nahi izan dute oraingoan. “2017ko finala dugu, eta naiz eta orduan mallabiarrak eta elgoibartarrak haize irabazi (30-18), orain beste egoera batean daude”, azaldu dute.
German Telleriak lesionatuta, azken bi asteak jokatu barik egon izana nabaritu dezakeela diote antolatzaileek. Astigarraga ostera, sasoi betean dagoela esan dute, eta bere adina ez duela erakusten egiten duen salto eta korrikaldietan. Bere atzean, Mendaroko Egaña izango du debarrak. “Txapelketa honetako atzelari onenaren artean dago eta toke onena duena esango genuke”. Bikote horrek partida gehien jokatu ditu –hiru guztira– eta denak erraz irabazi dituzte.
“Elgoibarreko Condek , segurutik, lan handia izango du partida guztian, atzera ondo astintzen dute-eta Debako Astigarraga eta Mendaroko Egañak, baina Telleriaren esker elektrikoa ere, ikusgarria eta bortitza da, eta beraz, galdu behar ez den partida izango dugu”.
Barikuan [otsailak 2], 20:00etan jokatuko den emozioz betetako partida horrez gain, Jaunarena-Foster eta Beraza-Etxebarriaren arteko lehia ikusi ahalko da 19:00etatik aurrera.
Domekako [otsailak 4] partidak, bestalde, hauek izango dira:
German Telleriak lesionatuta, azken bi asteak jokatu barik egon izana nabaritu dezakeela diote antolatzaileek. Astigarraga ostera, sasoi betean dagoela esan dute, eta bere adina ez duela erakusten egiten duen salto eta korrikaldietan. Bere atzean, Mendaroko Egaña izango du debarrak. “Txapelketa honetako atzelari onenaren artean dago eta toke onena duena esango genuke”. Bikote horrek partida gehien jokatu ditu –hiru guztira– eta denak erraz irabazi dituzte.
“Elgoibarreko Condek , segurutik, lan handia izango du partida guztian, atzera ondo astintzen dute-eta Debako Astigarraga eta Mendaroko Egañak, baina Telleriaren esker elektrikoa ere, ikusgarria eta bortitza da, eta beraz, galdu behar ez den partida izango dugu”.
Barikuan [otsailak 2], 20:00etan jokatuko den emozioz betetako partida horrez gain, Jaunarena-Foster eta Beraza-Etxebarriaren arteko lehia ikusi ahalko da 19:00etatik aurrera.
Domekako [otsailak 4] partidak, bestalde, hauek izango dira:
- 09:30. Pradera-Gandiaga/Beraza-Etxebarria
- 10:15. Moral-Martin/Telleria-Conde
- 11:00. Asti-Egaña/Jaunarena-Foster
