Saharako errepublikaren 42. urteurrena gogoratu dute Ondarroan
Saharako errepublikaren 42. urteurrena da gaur [otsailak 27], eta horren harira, Ondarroako Udalak, Yaalah elkarteagaz elkarlanean, Saharako bandera ipini dute udaletxean. Horrez gain, gaurko eguna ospatzeko, aldarrikatzeko eta salatzeko eguna dela gogora arazi dute.
“Ospatzeko 42 urte igaro direlako herrialde sahararra Saharar Errepublika Arabiar Demokratiko gisa aldarrikatu zenetik. Aldarrikatzeko eta salatzeko, ostera, historian behin eta berriz Saharako herriak bizi izandako eta oraindik ere bizi dituen zapalkuntzak gogora ekarri behar ditugulako”.
Yaalah elkartekoek gaineratu dute Saharako herriak lehendabizi espainiarren kolonizazioa pairatu behar izan zuela. “Ondoren, burujabe nahiz aske izango zirela zirudienean, marokoarrek Hassan IIak hala eginduta Martxa berdea burutu zuten, sahararren aske izateko ametsak guztiz zapuztuz”. Martxa horrekin, 300.000 pertsona zibil eta 30.000 soldadu marokoar sahararren lurraldean sartu ziren, “indarrez eta errepresioz”. Ekintza hori Espainiaren laguntzagaz egin zutela eta horrek sahararren aurkako “izugarrizko zapalkuntza” suposatu zuela gaineratu dute.
“Tamalez, milaka eta milaka sahararrek bakea bilatu nahian euren bizitokiak utzi eta Algeriako desertura ihes egin behar izan zuten”. Ihesaldi horretan, baina, herritar batzuek ez zuten ihes egiteko aukerarik eduki. “Ondorioz, gaur egun familia desberdinek oraindik ere 2.000 kilometro baino gehiagoko harresiaz banatuta egoten jarraitzen dute, marokoarrengandik etengabeko presioa jasoz”.
Zapalkuntzaren arrastoa agerian dagoela diote. “Herri sahararren zati handi batek desertuan normalizatuegia bilkatu den errefuxiatu egoeran egoten jarraitzen dute, euren lurrak berriz lortzeko esperoan”.
Yaalah elkartekoek gaineratu dute Saharako herriak lehendabizi espainiarren kolonizazioa pairatu behar izan zuela. “Ondoren, burujabe nahiz aske izango zirela zirudienean, marokoarrek Hassan IIak hala eginduta Martxa berdea burutu zuten, sahararren aske izateko ametsak guztiz zapuztuz”. Martxa horrekin, 300.000 pertsona zibil eta 30.000 soldadu marokoar sahararren lurraldean sartu ziren, “indarrez eta errepresioz”. Ekintza hori Espainiaren laguntzagaz egin zutela eta horrek sahararren aurkako “izugarrizko zapalkuntza” suposatu zuela gaineratu dute.
“Tamalez, milaka eta milaka sahararrek bakea bilatu nahian euren bizitokiak utzi eta Algeriako desertura ihes egin behar izan zuten”. Ihesaldi horretan, baina, herritar batzuek ez zuten ihes egiteko aukerarik eduki. “Ondorioz, gaur egun familia desberdinek oraindik ere 2.000 kilometro baino gehiagoko harresiaz banatuta egoten jarraitzen dute, marokoarrengandik etengabeko presioa jasoz”.
Zapalkuntzaren arrastoa agerian dagoela diote. “Herri sahararren zati handi batek desertuan normalizatuegia bilkatu den errefuxiatu egoeran egoten jarraitzen dute, euren lurrak berriz lortzeko esperoan”.
