Ikasleek manifestazioa egin dute Markina-Xemeinen, hezkuntza ereduaren aurka

Asier Alkorta

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Ondarroa,Ziortza-Bolibar

2018/03/21

100 ikasle inguru bildu dira Markina-Xemeinen egungo hezkuntza ereduaren aurka egiteko. Ikasle Abertzaleek deituta, manifestazioa 12:10ean hasi da Arkupeetan. Herriko kaleak zeharkatu eta gero, Lea Artibai Ikastetxera joan dira; Ikasle, altxa, hasi da iraultza leloa oihukatu dute. Diotenez, egungo hezkuntza eredua “tresna da burgesiarentzat eta sistema kapitalistarentzat”. Halaber, “hezkuntza kapitalistari” aurre egingo diotela eta herritik eta herriaren mesedetara egongo den hezkuntza eredua nahi eta behar dutela aldarrikatu dute gazteek.