Lekeitioko Euskal Eskola Publikoaren Jaiaren abestia aurkeztu dute
Ekainaren 3an Zapran gagoz lelopean Lekeition egingo den 27. Euskal Eskola Publikoaren Jaiaren abestia aurkeztu dute gaur [apirilak 26] Bilbon. Zapran gagoz izenburua dauka abestiak, eta ekoizpenean zein grabaketan lekeitiarrak izan dira protagonista.
Bideokliparen aurrerapen bat ere eskaini zuten atzoko agerraldian, baina estreinaldia barikuan [apirilak 27] izango da, Lekeition. Bi saio eskainiko dituzte Ikusgarri zinema aretoan: 19:00etan eta 19:45ean. Saio horietan abestia zuzenean joko dute, eta bideoklipa ere proiektatu egingo dute. Azaldu dutenez, gainera, abestia eta bideoklipa aurkezteko sarreratxo bat ere egingo dute. Dena dela, herritar guztientzako bideoklipa datorren astetik aurrera egongo da ikusgai.
Zapran gagoz abestia:
- Hitzak: Xabier Amuriza.
- Musika: Unai Egia eta Iñigito Txapelpunk.
- Teknikaria: Axular Arizmendi (AME estudioa).
- Musikariak: Unai Egia eta Iñigito Txapelpunk (gitarra eta ahotsa), Iñaki Alonso (baxua), Urtzi Iriondo (tronboia), Ibone Ibazeta (saxoa) eta Naia Aranzeta (tronpeta).
- Leloak eta koruak: Lekeitioko Eskola Publikoko Haur Hezkuntza, Lehen Hezkuntza eta DBHko ikasleak eta gurasoak.
- Bukaerako koruak: Lekeitioko Eskola Publikoko HH5 eta LHko ikasle guztiak.
- Ekoizpen artistikoa eta koordinazioa: Unai Egia.
Abestiaren eta bideokliparen aurkezpen ekitaldian parte hartu duten kideak. Ezkerretik eskumara: Lurdes Imaz EHIGEko koordinatzailea, Xabier Amuriza (letraren egilea), Iñigito Txapelpunk eta Unai Egia (musikaren egileak), Xabier Villalba bideokliparen egilea, Maitena Gerrikaetxebarria Lekeitioko Eskola Publikoko Guraso Elkarteko presidentea eta Xabier Iturbe eskolako zuzendaria
