Hamasei ekoizlek parte hartuko dute aurten Berriatuko Nekazal eta Arrain Azokan

2018/04/30

Maiatzaren 5ean hasiko dira Berriatuko San Gregorio jaiak. Eta goi-goitik hasiko dira. Izan ere, lehenengo egun horretan Kaxero Gaupaseroren jaitsiera, Nekazal eta Arrain Azoka eta Berriatuko alkarteen arteko V. Pintxo Lehiaketa egingo dira, besteak beste. Nekazal eta Arrain Azoka 10:00etatik 14:30era egingo da. Guztira 27 salmahai egongo dira, eta 16 ekoizlek parte hartuko dute: bi arrain kontserbagile, mermelada ekoizle bat, bi gaztagile (Idiazabal gazta eta ahuntz gazta), bi okin eta gozogile, ahatekien ekoizle bi, eztigile bat, txerrikien ekoizle bi, gilda ekoizle bat, hazien saltzaile bat, ardo upategi bat, lau euskal artisau, loreen mintegi bat, Produktonen erakusmahaia, eta herri ikastetxeko eta Gure Esku Dago-ren erakusmahaiak. Horrez gain, taloen salmahai bat ere egongo dela aurreratu dute.

[EGITARAUAK: jaietako egitarau osoa + kontzertuak]

Azoka Berriatuko Udalak eta Lea-Artibaiko Landa Garapenerako Alkarteak elkarlanean antolatuta dago. “Esker berezia eskaini nahi diegu azoka antolatzen lagun izan ditugun Udal Brigadari, boluntarioei eta herriko elkarteei”, esan dute. Pintxo lehiaketa. Aurten bosgarren urtez egingo da herriko elkarteean arteko pintxo lehiaketa. Horretan ondoko elkarteek parte hartuko dute: Goxalde elkartea, Milloitxarrak, Anaitasuna, Kukulumutxu eta Ondarroako Ezkilantxarri elkarte gastronomikoa (talde gonbidatua).

[EGITARAUAK: jaietako egitarau osoa + kontzertuak]

Aurreratu dutenez, talde bakoitzak lau pintxo mota egingo ditu; talde bakoitzak gutxienez 200-250 pintxo egingo ditu. “Pintxoen aurre prestaketa lanak nork bere egoitzetan egin ahal dituzte, baina azken prestaketa egunean bertan azoka eremuan egin beharko dute”. Pintxo lehiaketa 12:00ak aldera hasiko da. Pintxoak dastatzeko txartelak azokan bertan egongo dira salgai; txartel bakoitzak 2 euro balioko ditu (bi pintxo dastatzeko aukera). EGITARAUAK:

SAN GREGORIO JAIAK
KONTZERTUAK (maiatzak 5, 11 eta 12)

IAZKO AZOKA EGUNEKO ARGAZKI GALERIA