Iruñeko erasoaren sententziaren aurkako protestak, Lea-Artibain eta Mutrikun
Eguenean [apirilak 26] Ondarroan, Aulestin eta Berriatuan egin zituzten mobilizazioak. Barikuan [apirilak 27], ostera, Markina-Xemeinen eta Lekeition egin zituzten; Markina-Xemeingo Bagaittun-ek deituta batu ziren herritarrak, eta Lekeition Potxuak Martxanek deituta. Azkenik, Mutrikun zapatuan [apirilak 28] batu ziren herritarrak, EMAk deituta.
Horrez gain, Ondarroako eta Lekeitioko udalek sententziaren aurkako gaitzespen instituzionala egin dute. Sententziarekiko desadostasuna agertzeaz gain, biktimari eta haren senideei elkartasuna adierazi nahi izan diete. “Gure etsipen eta haserrea erakusten dugu sententzia honen aurrean, eta justizia eskatzen duen aldarriarekin bat egiten dugu. Emakume guztiek askatasunerako duten eskubidea aldarrikatzen dugu, eta, era berean, Ondarroako herriak ez duela inolako eraso matxistarik onartzen”. Bide horretatik, Ondarroako eta Lekeitioko udalek berdintasunaren alde lan egiteko konpromisoa berretsi nahi izan dute.
Ondarroako Udala: “Gure etsipen eta haserrea erakusten dugu sententzia honen aurrean, eta justizia eskatzen duen aldarriarekin bat egiten dugu”
Ondarroako elkarretaratzea.
Aulestiko elkarretaratzea. Argazkia: Zemendia emakumeen elkartea.
Mutrikuko protesta. Argazkia: Aritz Larrea.
Lekeitioko elkarretaratzea. Argazkia: Potxuak Martxan
Markina-Xemeingo elkarretaratzea.
