Euskal Herriko Literatur Solasaldi Dialogikoen I. Topaketa, Lekeition
Orain arte Bizkai, Araba eta Gipuzkoa mailan egiten zen topaketa Euskal Herri osora zabaldu dute aurten. Hala, zapatuan [maiatzak 12], literaturaren plaza bihurtuko da Lekeitio. Jardunaldia Zapran gagoz Euskal Eskola Publikoaren Jaiaren baitako ekintzetan dago kokatuta.
Jardunaldia Ikusgarri zinema aretoan hasiko da, eta Eskola Publikoan amaitu. Amaieran, gainera, Lekeitioko Etorkizuna dantza taldekoek Sardinerak dantza egingo dute, txistulariek alaituta. Dantzariek dantzan egiten duten bitartean, Ibai Silicato ilustratzaileak jardunaldiaren marrazkia egingo du horman.
Ostean parte hartzaile guztiek Jubilatuen Elkarteko jatetxean bazkalduko dute, eta ostean herrian bisita gidatua egingo dute, Itziar Castillo gidari dela.
EGITARAUA:
- Ikusgarri zinema aretoan:
- 09:30-09:45: Agiri banaketa
- 09:45-10:15: Ekitaldiaren hasiera Ainhoa Elordi poema egilea eta eskolako gurasoaren poema irakurketa eta Iñigo Aranbarri idazlearen aurkezpena.
- 10:15-11:15: Solasaldiak.
- Lekeitioko Eskola Publikoan:
- 11:15-12:00: Atsedenaldia eta ametsa.
- 12:00-13:30: Solasaldia.
- 13:30-14:00: Ametsa eta amaiera.
