Zaragozan amaituko dute denboraldia Markina-Xemeingo Artibai taldeko beteranoek
Bederatzigarren urtez aurten, bidaiagaz emango diote amaiera denboraldiari Artibai Futbol Taldeko beteranoek. Aurten Zaragozara abiatuko dira At Ranillas Zaragozako beteranoen aurka lagunarteko partidua jokatzera.
Zapatu [ekainak 9] goizean irtengo dira Zaragozarantz, 06:30ak aldera, eta partida 12:00etan izango dutela jakitera eman dute.
Beti bezela, kirolak eta aisialdiak bat egingo dute irteeran, kirola egiteagaz gain, beste herri batzuetako taldeak ezagutu, elkarrekin jokatu eta partekatzea izaten da-eta Artibai Futbol Taldeko Beteranoen helburua.
Asmo horregaz, beraz, At Ranillas taldekoekin bazkaltzea dute asmoa, eta arratsaldean hiria ezagutzeko aukera izango dutela azaldu dute. Bertan lo eginda itzuliko da domekan, etxera, Beteranoen taldea, Gasteizen bazkaltzeko geldialdia egin ondoren.
Artibai FT beteranoak orain dela bi urte Boltañara (HUeska, Aragoi) egindako bidaian. Argazkia: Artibai FT
