Markina-Xemeingo Master Series hasiko da bihar gauean, Uni frontoian
Finalerdiko bi partida ikusteko aukera egongo da 22:00etan hasita. Gernika Jai Alaiko pilotariak ariko dira. Pilotariek diote Markina-Xemein plaza berezia dela, eta dena emango dutelaAsteburuan hasiko da Jai Alai Worl Tour, gaur jokatuko den Hossegorr...
Finalerdiko bi partida ikusteko aukera egongo da 22:00etan hasita. Gernika Jai Alaiko pilotariak ariko dira. Pilotariek diote Markina-Xemein plaza berezia dela, eta dena emango dutela
Asteburuan hasiko da Jai Alai Worl Tour, gaur jokatuko den Hossegorreko Grand Slam txapelketagaz eta biharko Markina-Xemeingo Master Seriesagaz; zirkuituko txapelketak azarora arte luzatuko dira.Markina-Xemeingo txapelketa zapatuan 22:00etan hasiko da, Uni frontoian. Finalerdiak izango dira, eta horretan Gernika Jai Alaiko pilotariak ariko dira.
Lehenengo partiduan Diego Beaskoetxeak eta Eric Irastorzak Alex Hormaetxea eta Unai Lekerikaren kontra jokatuko dute. «Beaskoetxea figura da Dania Jai Alain, baina, batez ere, Euskal Herrian ikaragarrizko maila ematen duelako». Hala ere, Hormaetxea bermeotarra arriskutsua dela diote, eta aurten Daniako atzelari onena izatea lortu duen Lekerikagaz ariko dela gogorarazi dute.
Bigarren finalaurrekoan, Goikoetxeak Ekhi gasteiztarragaz jokatuko du. «Jai Alai World Tourreko azpitxapelduna da Ekhi, Mexikon figura egin da, eta iaz ikaragarrizko maila erakutsi zuen Euskal Herrian». Kontran edukiko dituzte Xabi Barandika aurrelari gernikarra eta Ibon Aldazabal berriatuarra, 2015eko Binakako txapelduna eta pilota 305,77 kilometro orduko abiaduran botatzeagatik Guinnes Errekorren liburuan sartu berri dena. «Herritarrek Iñaki Osa Goikoetxearen itzulera ikusteko aukera edukiko dute zapatuan».
Finala Karmen Egunean (uztailak 16) jokatuko da, 18:00etan hasita.
Asko dakien publikoa
Esan dutenez, Uni frontoiak errespetua ematen die pilotariei. «Markina-Xemeingo publikoa berezia da, pilotaz badaki, eta neurri batean asko eskatzen duen publikoa da. Beste leku batzuetan, esaterako, txalo errazago jotzen dute. Markina-Xemeinen ondo jokatu behar da, eta pilotari guztiak bertan batzen den jendearen aurrean onena emateko gogotsu egoten dira».
