200 txirrindulari inguruk egin dute II. Lea-Artibai Klasikoa zikloturista martxa

Asier Alkorta

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Ondarroa,Ziortza-Bolibar

2018/07/07

Txirrindulariak izan dira nagusi gaur [uztailak 7] goizean Ziortza-Bolibarren. Izan ere, aurten handik hasi da Lea-Artibai Klasikoa zikloturista martxa. 09:00etan puntuan atera behar ziren txirrindulariak plazatik. Aurretik azken momentuko izen-emateak eta prestaketak egin dituzte. 140 txirrindularik zeukaten aurretiaz izena emanda, eta momentuan bertan izena eman dutenak gehitu zaizkie gero. Guztira, 200 txirrindulari inguru batu direla esan dute antolatzaileek. Aurten gonbidatu berezia Amets Txurruka Etxebarriko txirrindularia izan da, eta lehen ordurako handik ibili da.Txurruka, baina, ez da izan aurpegi ezagun bakarra. Pello Bilbao Astanako txirrindulariak ere parte hartu du martxan. Martxa hasi aurretik, antolatzaileek gogorarazi dute Lea-Artibai Klasikoa ez dela lasterketa bat. “Hau gozatzeko martxa da, beraz, lasai joan eta gozatu!”.