Herri Eskolan batuko dira ikasleak bihar, Lekeition
Urriaren 12a, Hispanitatearen Eguna jai egun arrotza dela aldarrikatuko dute barikuan [urriak 12] euskal herritar askok eta askok. Esate baterako, urtez urte, egun horretan hainbat ekintza egiten ditu Ikasle Abertzaleek.
Beste batzuetan egin modura, Herri Eskoletan biltzeko proposamena luzatu diete ikasleei. Hain zuzen ere, Euskal Herriko hogei herritan prestatu dituzte Herri Eskolan, tartean Hego Euskal Herriko lau hiriburuetan. Lea-Artibaiko herritarrei dagokienez, Lekeition biltzeko deialdia zabaldu dute.
Askotariko ekintzak. Eskualdez eskualde, eta herriz herri askotariko ekintzak antolatu dituzte. Aldarrikapena oinarri hartuta, egun pasa egiteko aitzakian hitzaldiak, eztabaidak, gosariak, bazkariak, dokumental proiekzioak, tailerrak… egingo dituzte. Lekeition, esaterako, kapitalismoak hezkuntza zelan baldintzatzen duen aztertuko dute.
EGITARUA (Lekeitio): 09:00etan gosaria; 10:00etan Dominazio kapitalista hezkuntzan hitzaldia; 12:00etan Ta Lekitxon zer?
IAko kideek azaldu dutenez, aipatu eskolen helburu nagusia langile klasearen beharrei egokitutako jakintza garatzea, eztabaidatzea eta zabaltzea da. “Ez dugu ezer ospatzeko”, zehaztu dute.
