Leire Bilbao, Pirritx, Porrotx eta Marimototsen 'Musua' disko-liburuko hitzen atzean
[iframe src=”https://www.facebook.com/plugins/video.php?href=https%3A%2F%2Fwww.facebook.com%2Fpirritx.porrotx.eta.marimotots%2Fvideos%2F502690023530219%2F&show_text=0&width=560″ width=”560″ height=”315″ scrolling=”auto” ]
Disko liburuak hamabi kantu eta hamabi kontukantu jasotzen ditu. Idazle ondarrutarrak, hain zuzen ere, abestien hitzak eta kontukantuak egin ditu. Musika, ostera, Xabier Zabalak egin du, eta Maite Mutuberriak ilustrazioak. “Lagun oso onez, trebez eta azkarrez biltzea lortu dugu, eta Musua horren emaitza da”, esan zuen aurkezpenean Aiora Zulaika Soroa Pirritx-ek.
Bilbaok, ostera, tradiziotik abiatuz bestelako lan bat egin dutela esan zuen. “Tradizioari buelta bat eman diogu, eta liburu-diskako abesti batek dioen bezala, berriak sortu eta zaharrak mantendu ditugu”.
Ilustrazioei dagokienez, natura da oinarria. “Saiatu naiz liburu-diska honetan naturaz betetako mundu oso bat irakurleari edota entzuleari eskaintzen”, zioen Mutuberriak.
Oro har, Pirritx, Porrotx eta Marimototsen publikoa oso exijentea dela eta horren jakitun disko berri hau “oso ezberdina eta haientzako aproposa” dela esan zuen diskoa grabatu duen Garate Studioko ordezkari Kaki Arkarazok.
