Euskal presoen zigorren luzapenekin amaitu behar dela aldarrikatu dute Lekeition
Elkarretaratzea egin zuten atzo [urriak 23] Lekeitioko Eskolapean euskal presoen zigorren luzapenekin amaitzea eskatzeko. Giza eskubideen Europako Auzitegiak euskal presoen zigorren batuketari buruzko ebazpena eman behar zuela-eta Orain Presoak dinamikak elkarretaratzea deitu zuen «Europari aldeko ebazpena ematea exijitu eta Espainiako Estatuari helegiterik ez sartzea eskatzeko».
Ezustekoz hartu zuten askok Giza Eskubideen Europako Auzitegiak atzo emandako ebazpena. Espainiak hiru euskal presori Frantzian betetako zigor urteak aintzat ez hartuta egoki jardun duela ebatzi zuen epaimahaiak, aho batez. Estrasburgok arrazoia eman zion Espainiari helegitean jasotako hiru ustezko urraketetatik bitan, baina kargu hartu dio auzitara jo zuten presoei bidezko prozesu judizial bat izateko eskubidea ez bermatzeagatik. Magistratuek ohar bat egin dute, gainera: ez dela euren eginkizuna zehaztea Europak 2008an zigorrak batzeaz emandako zuzentaraua zuzen txertatu ote zen Espainiako ordenamendu juridikoan. Abokatuen iritziz, «lege aplikazio maltzurra» babestu dute.
Ebazpenak ebazpen, zigorren luzapenekin bukatu behar dela aldarrikatu zuten Lekeition.
Ezustekoz hartu zuten askok Giza Eskubideen Europako Auzitegiak atzo emandako ebazpena. Espainiak hiru euskal presori Frantzian betetako zigor urteak aintzat ez hartuta egoki jardun duela ebatzi zuen epaimahaiak, aho batez. Estrasburgok arrazoia eman zion Espainiari helegitean jasotako hiru ustezko urraketetatik bitan, baina kargu hartu dio auzitara jo zuten presoei bidezko prozesu judizial bat izateko eskubidea ez bermatzeagatik. Magistratuek ohar bat egin dute, gainera: ez dela euren eginkizuna zehaztea Europak 2008an zigorrak batzeaz emandako zuzentaraua zuzen txertatu ote zen Espainiako ordenamendu juridikoan. Abokatuen iritziz, «lege aplikazio maltzurra» babestu dute.
Ebazpenak ebazpen, zigorren luzapenekin bukatu behar dela aldarrikatu zuten Lekeition. 
