Munitibarko plazako zorua konpontzen ari dira
Plaza berritzeko egitasmoaren barruan zenbait fase dituzte aurreikusita, eta plazako zorua konpontzerena hirugarren fasea da.
Aipatu fasean, apurtuta edota egoera txarrean egon diren adreiluak berriengatik ordezkatzen ari dira, eta adokin trinkoak jarriko dituzte. Aipatu lanotarako, 19.000 euro inguruko inbertsioa egitea aurreikusita dauka udalak.
Munitibarko plaza konpontzeko lanak urriaren 8an hasi zituzten. Orduan udal ordezkariek jakitera eman zutenez, lanek iraun bitartean, plaza tarteka edo eremuka itxita egongo da. Hau da, zatika burutuko dituzte konponketa lanak, eta horrela, ez da guztiz itxita egongo. Gutxi gorabehera zazpi bat aste iraungo dute lanek.
Plaza berritzeko egitasmoa. Herriko plaza herritarren bilgune garrantzitsuena da, egunerokotasunean asko erabiltzen duten gunea. Izan ere, udaletxea, eskola, frontoia, herriko taberna eta umeen jolas parkea biltzen ditu. Beraz, plaza atondu eta herritar denentzat zein kanpotik hurbiltzen direnentzat erakargarriagoa egin nahi dute.
Egitasmoan bildutako bi fase burututa dituzte: Herriko Taberna irisgarriago egiteko lanak (Irisgarritasun Plana betetzeko eginak) eta udalaren jabetzakoa den etxebizitza egokitzeko lanak. Plazako lurzorua konpondu ondoren, beste bi fase faltako dira egitasmoa betetzeko. Alde batetik, argi indar kableak lurperatuko dituzte, eta beste alde batetik, zaharkituta geratu zaien umeen parkea berrituko dute.
Proiektu osoa egiteko 103.000 euro inguruko inbertsioa egingo dute.
Plaza berritzeko egitasmoa. Herriko plaza herritarren bilgune garrantzitsuena da, egunerokotasunean asko erabiltzen duten gunea. Izan ere, udaletxea, eskola, frontoia, herriko taberna eta umeen jolas parkea biltzen ditu. Beraz, plaza atondu eta herritar denentzat zein kanpotik hurbiltzen direnentzat erakargarriagoa egin nahi dute.
Egitasmoan bildutako bi fase burututa dituzte: Herriko Taberna irisgarriago egiteko lanak (Irisgarritasun Plana betetzeko eginak) eta udalaren jabetzakoa den etxebizitza egokitzeko lanak. Plazako lurzorua konpondu ondoren, beste bi fase faltako dira egitasmoa betetzeko. Alde batetik, argi indar kableak lurperatuko dituzte, eta beste alde batetik, zaharkituta geratu zaien umeen parkea berrituko dute.
Proiektu osoa egiteko 103.000 euro inguruko inbertsioa egingo dute. 
