Abenduari hasiera gozoa eman diote amorotarrek

2018/12/01

Urtero bezala, giro ederra ekarri du Amorotora Txahal Egunak. Txahal jana bera, gauean bada ere, egun guztiko jaiaz gozatzeko aukera eduki dute amorotarrek. Herriko Telleria baserriko Zintzo txahala prestatu du aurten, burduntzian, Esteban Espillak. 16 urte daramate txahala erretzen eta urtero arduratu da prestaketaz. Azken hiru urteetan, gainera, Ander Ibarluzea Urbitxe izan du laguntzaile. Espillak gogora ekarri duenez, 230 bat lagunek parte hartu zuten lehenengoz egin zen txahal janean, azken urtean, berriz, 450 inguru egon ziren. Txahala bere puntuan egoteko geldi-geldi egin behar dela jakitera eman du Espillak, “beroa barrura sartu arte”. Batera eta bestera buelta eman eta saihets partetik gehiago egiten dutela zehaztu du. 05:00etan hasi dira prestatzen gaurkoa, eta 09:00etarako dastatzeko prest egongo da. “40 bat minututan desagertuko da dena”. Txahalagaz gainera, Gabonetako janariak dastatzeko aukera ere eduki dute amotarrek: Karakolak, taloa eta txistorra, sagar saltsa, intxaur salda, arroz esnea, oilo salda… Borondatearen truke, sabelak jaki goxoekin asetzeko aukera zabala. Esate baterako 4 kilo karakol prestatu dituztela jakitera eman dute herritarrek. Arroz esnea berehala agortu da, eta ilarak egin dira karakolak eta talo eta txistorra eskuratzeko.

Gabonetako janariak dastatzeagaz gain, argazki zaharrak ikusi edota Goldaren Porran parte hartzeko aukera ere egon da. Golda bat jarri dute frontoian, eta haren pisua igartzen duenak Labegurren produktuak eramango ditu etxera. Eskolako umeek PINeko lehiaketara bidaliko duten Olentzero eta Mari Domingiren panpina ere ikusgai egon da gaurkoan. Iaz irabazi egin zuten lehiaketa, eta aurten arinago amaitu eta, bidali aurretik, herritarrek ikusteko jarri dute frontoiaren sarrerako ondoan. Frontoi kanpoan ikusgai egon dira bai eta ere asto, zaldi, ahuntz eta oiloak, azoka txikian. Eguerdiko giroa Izarra eta Naiara trikitilariek alaitu dute. Iluntzean batuko da herritar gehien Amorotoko frontoian, txahala jatera. Afalostea girotzeaz arduratuko direnak Jokaldi erromeria taldeko kideak izango dira, iaz bezala.

Abenduari hasiera gozoa eman diote amorotarrek

Bizkaia

Adingabeen zentroak «tentsiopean» daudela eta, Bizkaiak salbuespen egoera izendatu du berriro

Garraio publikoaren erabilerak %9 egin zuen gora iaz Bilbon

Juanjo Menak bertan behera utzi ditu Bilbon ematekoak zituen agur kontzertuak, alzheimerraren ondorioz

Diviparen Derioko lantokia itxi nahi dutela salatu du ELAk

Gizon bat espetxeratu dute, ustez hiru emakumeri sexu erasoak egiteagatik Gorlizen

Berriro ere itsasoratu da ‘Kate’, Vigo helmuga

Paperezko 21 soineko lehiatuko dira zapatuan Gueñesen

Teresa Laespada hautatu dute PSE-EEren Bizkaiko ahaldungai nagusi izateko

Rigoberta Menchu eta Shirin Ebadi Bakearen Nobel saridunak omenduko ditu Fair Saturday fundazioak Bilbon

Freedom Flotillak herritarren berotasuna jaso du Bilbon, Gazara abiatu baino lehen

Gazte bat hil da istripuz Lekeitioko antzara proba ikusten ari zela

«Erreparazio publikoa» eskatu du Agirre alkateak Getxoko jauregiaren auzirako

Epaileak behin-behinean espetxeratu du ostegunean Barakaldon gizon bat hiltzeagatik atxilotutakoa

Epaileak artxibatu egin du Getxoko Irurak Bat jauregia eraisteagatik irekitako auzia