Jose Mari Urriolausokoa Lauzirika markina-xemeindarrak 100 urte bete ditu
Markina-Xemeingo Lezan baserriko Jose Mari Urriolausokoa Lauzirikak 100 urte bete ditu, eta urtebetetzea ospatzeko omenaldi txiki bat egin zioten domekan [abenduak 2], bere egunean bertan. Udalak haritz bat oparitu dio bere 100. urtebetetzean, eta Juanjo Txurruka alkatearen bisita ere eduki zuen goizean etxean.
Egunak aurretik eraman zioten zuhaitza Urriolausokoari, eta jada landatuta zeukaten domekarako. Udal ordezkarien bisitagaz gainera familiakoak ere hurbildu ziren zoriontzera, eta bazkariagaz ospatu zuten egun handia.
Jose Mari Urriolausokoa Lauzirika 11 neba-arrebetatik gazteena da, eta bera da gelditzen den bakarra. Domekako ospakizunean ondoan eduki zituen seme-alabak bai eta 95 urte dituen Alejandra Etxabe Azpiazu emaztea ere.
Juanjo Txurruka Txurruka Markina-Xemeingo alkatea, Jose Mari Urriolausokoa Lauzirika eta Alejandra Etxabe Azpiazu.
Udalak oparitu dion haritza.
