Bazkideen omenezko kontzertua eskainiko du Xemein Abesbatzak
Urtero modura, Gabonen atarian, bazkideen omenezko kontzertua eskainiko du Markina-Xemeingo Xemein Abesbatzak. Zeanuriko Abesbatza gonbiatu dute aurten ekitaldi berezira. Zapatuan [abenduak 15] abestuko dute abesbatza biek Mertzedeko elizan, 20:00etan.
Euskal kanta batzuk, erlijiozko kanturen bat, baina batez ere Gabonetako kantak abestuko dituztela aurreratu dute Xemein Abesbatzakoek ordu bete inguruko emanaldian.
Markina-Xemeingo abesbatzak abestuko du lehenengo, Zeanurikoak ondoren, eta biek batera amaituko dute Mila Milikua zuzendariak gidatuko duen kontzertua. «Aurten bazkide berriak ere egin zaizkigu eta eskerrak eman nahi diegu», nabarmendu dute.
